من الحمه الى الحمه

ابن فرزع الأحد أبريل 19, 2009 5:03 am

يالله بنو (ن) من الحمه الـى الحمـه
ترجع عسوس السحابه ماتعدوهـا

البل شعاها نفيضه وسرحت يمـه
واهل الجهازات والشاصات خموها

تخبطت في غديره وشرعت جمـه
وداجت وطابت خواطرها وردوها

على رهاد(ن) يجي في نبتهـا زمـه
تحبها البـل وترغبهـا وحبوهـا

يرعاه وضحى(ن) شعايفها كما العمه
مدسمة شرب الضيفـان لاجوهـا

بعض القراشيط ماتستاهل الضمـه
مغير عبولهـا الوايـت وعشوهـا

وقطعة جفار(ن) على البرسيم ملتمـه
وليا انتهت ربطة البرسيم هجوهـا

يمسي ويصبح لبنها ماضرب فمـه
مخيبة كل من وده ومـن هوهـا [/right][/center][/size]

للشاعر الكبير /سعد جدلان