ياعيون مرقـبٍ فعـل الجدايـر

قلب الاسد الأحد أغسطس 03, 2008 1:36 am

ياعيون مرقـبٍ فعـل الجدايـر = في صعانين الطوال المستديـره
صاحبك يعطي على شوفك بشاير = ديرةٍ منتو بهـا ماهـي بديـره
من خذا منكم خفيّـات السرايـر = والله انّ يبطي ولعكم في ضميره
لبـةٍ بيـن المعنّـق والزرايـر = مثل شمس الصبح قدّام السفيـره
ويتفرشها من الخمـري ستايـر = ذيل شقراّ شعشعت قدم المغيـره
جوهرة قارون غاليـة التجايـر = أشهد انّك بهجة العمـر الكبيـره
واحدٍ حضّك مع حضّـه يسايـر = شايفٍ القدر فالعشـر الأخيـره
جعل أبو من لامني حمر المناير = في محبّة واحـدٍ مالـي بغيـره