افكار العوارف

حسن مبارك الثلاثاء يوليو 15, 2008 7:45 am

doPoem(0)

طبعا ماهي هذي القصيدة اللي كلمتك عنها يا بو سفر هذي وحدة ثانية قديمة لتجربة النسخ ونقل الصورة

سلام يـا بيـض الوجيـه المفاليـح

...............ياللي بهم راسي على طول مرفـوع

يامكرمين الضيـف بـن ومفاطيـح

لكم على فعل الكرم حـق مشـروع

انتو على الحكمة نجـوم ومصابيـح

وانتـو لكـم راي مبـدا ومسمـوع

اهون على الادنين من قطفـة الشيـح

واصعب على الاقصين من حبة الكوع

حنـا لفيناكـم نـديـب المصالـيـح

لن العتب مابيـن الاقـراب مرفـوع

وان كـان للفتنـة قفـول ومفاتـيـح

ترى الخطا مابين الاجـواد مرجـوع

لي جاتك افكار العـوارف مراويـح

فالحـق نبـراس معـلا ومتـبـوع

وان جاتك افكـار العنـاد المطافيـح

فالحـق نـوع والغويـا ميـة نـوع
وسـلامتكم >>>>

قلب الاسد الثلاثاء يوليو 15, 2008 1:18 pm

يعطيك الف عافيه ابو مبارك حقيقه انت مبدع والله يعينا على رد جميلك

ابن فرزع الثلاثاء يوليو 15, 2008 2:15 pm

مشكور يابو عايض مبدع دائما

Ahmad Al eisa> الثلاثاء يوليو 15, 2008 4:00 pm

ترى الخطا مابين الاجـواد مرجـوع
لي جاتك افكار العـوارف مراويـح

احسنت على هذه الابيات مبدع يا بو عايض

زائر الأربعاء يوليو 16, 2008 4:43 pm

الحقيقة القصيدة رائعة وشاعرها متمكن وقبيلتك تستاهل المدح

حسن مبارك السبت يوليو 26, 2008 2:38 pm

ابـ سفرـو كتب:يعطيك الف عافيه ابو مبارك حقيقه انت مبدع والله يعينا على رد جميلك

ابو سفر الله يعافيك ويبارك فيك
مالنا في بعضنا جمايل حنا مكملين لبعض

حسن مبارك السبت يوليو 26, 2008 2:40 pm

ابن فرزع كتب:
مشكور يابو عايض مبدع دائما

مشكور يابو هاني على التشجيع الله يعطيك العافية

حسن مبارك السبت يوليو 26, 2008 2:55 pm

Ahmad Al eisa> كتب:
ترى الخطا مابين الاجـواد مرجـوع
لي جاتك افكار العـوارف مراويـح

احسنت على هذه الابيات مبدع يا بو عايض

الاخ احمد مشكور على المرور الله يوفقك

ابو رينـــاس السبت يوليو 26, 2008 6:39 pm

بيض الله وجهك ابو عايض واتمنى لك مزيد من التوفيق وتستاهل والله كل المدح

ترى الصيف في الغفرات غير

عاشق الليث الإثنين مارس 02, 2009 1:30 am

بيض الله وجهك علئ القصيده جميله جدا تقبل مروري ياعم Very Happy

رد: افكار العوارف